Министерството на правдата на Република Бугарија заверува документи со Апостил (APOSTILLE), кои треба да послужат во странство, како на пр. уверение за неосудуваност, полномошно, изјава, решение и др.
Во согласност со Декларацијата на Република Бугарија по чл. 6, ст. 1 од Хашката конвенција од 1961 г., изразена во Законот за ратификација на истата конвенција/ обн., ДВ. бр. 47 од 09.06.2000 г./ во Министерството за правда се заверуваат со „APOSTILLE“ само актите на судовите и нотарите.
Акти на судовите согласно чл.1 буква „а“ од Конвенцијата се документите издавани од орган или службено лице, поврзано со правораздавателниот систем на државата. Истите треба да се поднесат во оригинал или како заверен препис и да содржат: датум на издавање, име, презиме, потпис на претседател или судија и секретар, и печат на судот што ги издава.
Акти на нотарите согласно чл. 1, буква „с“ и „d“ од Конвенцијата се нотарските акти; службените заверки, како записи во регистар, или заверување на датум или потпис врз приватен документ.
Полномошни за располагање со недвижности се прифаќаат откако нотарот ќе завери потпис и содржина и соодветно се ставаат два Апостила.
Полномошни за располагање со недвижности, заверени од градоначалници и секретари на општини не подлежат на заверување со „APOSTILLE“.
Нотарски заверени копии од документите, издадени од здравствени установи, наменети за употреба во странство, се заверуваат со „APOSTILLE“ од Министерството за правда.
Документите со ставен „APOSTILLE“ можат да се проверат на следната интернет адреса: http://apostil.mjs.bg/
*Извор: Министерство за правда на Република Бугарија